१३ असार, काठमाडौं । प्रतिनिधि सभा सदस्य माधव सापकोटाले बजेट लगत्तै चालु अधिवेशनबाट बेपत्ता पारिएका व्यक्तिको छानबिन, सत्य निरुपण तथा मेलमिलाप आयोग ऐनलाई संशोधन गर्न बनेको विधेयक पारित गर्नु पर्नेमा जोड दिएका छन् ।
बुधबार बसेको प्रतिनिधि सभा बैठकमा शुन्य समयमा धारणा राख्ने क्रममा सांसद सापकोटाले ज्यादै संवेदशील र महत्वपूर्ण विषय भएकोले अर्को अधिवेशन नकुरी यसलाई पारित गर्नु पर्ने बताएका हुन् । उनले संघीयता कार्यान्वयनका मुख्य सवालहरु संघीय निजामती कर्मचारी सेवा ऐन, संघीय शिक्षा ऐन र संघीय प्रहरी समायोजन ऐन जस्ता महत्वपूर्ण ऐनहरुलाई समेत यहि अधिवेशमा पेश गुर्न पर्ने धारणा राखे ।
बेपत्ता पारिएका व्यक्तिको छानबिन, सत्य निरुपण तथा मेलमिलाप आयोग ऐनलाई संशोधन गर्न बनेको विधेयक पारित नहुँदा द्वन्द्वकालका मुद्धा टुंगो लाग्न सकेका छैनन् ।
यसैविच आज बसेको संसदको बैठकबाट विनियोजन विधेयक २०८० पारित भएको छ । पहिलो पटक मत विभाजबाट पारित गरिएको विधेयकका पक्षमा १४७ मत परेको थियो भने विपक्षमा १०८ मत परेको थियो ।
