५ साउन, चौतारा । अनेरास्ववियु (क्रान्तिकारी) चौतारा साँगाचोकगढी नगर समितिले नगरभित्रका एसईई उत्तिर्ण विद्यार्थीलाई सम्मान गरेको छ । चौतारास्थित सहिद स्मृति प्रतिष्ठानको भवनमा नगरपालिका भरिका एसईई परिक्षामा उत्तिर्ण विद्यार्थीलाई सम्मान गरिएको हो । उनीहरुका लागि करियर काउन्सिलिङ गरिएको कार्यक्रममा साँस्कृतिक कार्यक्रम समेत गरिएको थियो । नगरभरिका २० विद्यालयबाट २०७९ सालमा एसईई परिक्षामा संलग्न भइ उत्तिर्ण भएका तीन सय विद्यार्थीलाई नेकपा (माओवादी) केन्द्रका सिन्धुपाल्चोक संयोजक गोविन्द पराजुलीले सम्मान गरे । पराजुली कार्यक्रममा प्रमुख अतिथि थिए । कार्यक्रममा नगरभरिबाट दशौं स्थान सम्म पर्ने विद्यार्थीलाई मायाको चिनो प्रदान गरिएको छ । यस पटकको परिक्षाफल अनुसार नगरपालिकाबाट एसईईमा श्री सेतीदेवी मा वि, ठुलोसिरुवारीकी प्राप्ती दुलाल प्रथम भएकी छन् ।
