३० बैशाख, सिन्धुपाल्चोक । अखिल नेपाल महिला संघ (क्रान्तिकारी) सिन्धुपाल्चोकको अध्यक्षमा तारादेवी राना चयन भएकी छिन् । शनिबार जिल्लाको बलेफीमा भएको एघारौं सम्मेलनबाट रानाको नेतृत्वमा ३५ सदस्यीय कार्यसमिति गठन भएको हो । सम्मेलनले उपाध्यक्षमा सुजाता तिमल्सिना र निर्जला दर्जी चयन गरेको छ । सचिवमा राममाया तामाङ निर्वाचित भएकी छिन् । यस्तै कोषाध्यक्षको जिम्मेवारी भने मिना नेपाल दुलाललाई दिइएको छ ।
त्यस्तै सदस्यहरूमा लक्ष्मी प्रधान, शर्मिला श्रेष्ठ, पेमा मोक्तान, प्रतिमा पराजुली दाहाल, लक्ष्मी माया तामाङ, देवकी पौडेल, मैना तामाङ, शर्मिला खड्का ,गीता कोजु, अम्बिका गौतम, विष्णु माया तामाङ, मिना शर्मा, सावित्री दंगाल, मनमाया नेपाल, सरस्वती दङ्गाल, अपेक्षा आचार्य, पार्वती रायमाझी, मैती लामा, निता दनुवार, रविना आचार्य, निलामु तामाङ, श्रद्धा थामी, बोमा थामी, अरुणा बिक, सीता दनुवार पवित्रा खड्का रहेका छन् ।
अखिल नेपाल महिला संघकी केन्द्रीय उपाध्यक्ष एवं संघिय सांसद बिमला सुवेदीको प्रमुख आतिथ्यतामा भएको सम्मेलनमा माओवादी केन्द्रीय सदस्य एवम बागमती प्रदेश सरकारका भौतिक पूर्वाधार विकास मन्त्री युवराज दुलाल, नेकपा माओवादीका केन्द्रिय सदस्य समेत रहेका चौतारा साँगाचोकगढीका मेयर कृष्ण प्रसाद सापकोटा, प्रदेश सभा सांसद अमृता नेपाल, माओवादी केन्द्र जिल्ला संयोजक गोबिन्द पराजुली, संघकि पूर्व अध्यक्ष जानुका पराजुली लगायतको उपस्थिति थियो ।
