३१ असार, काठमाडौं । नवनियुक्त प्रधानमन्त्री खड्गप्रसाद ओलीले मन्त्रीपरिषद विस्तार गरेका छन् । संसदका ठूला नेपाली कांग्रेस र नेकपा एमालेसहित चार दल मिलेर सरकार गठन गर्दा समावेशितालाई भने बेवास्ता गरिएको भन्दै आलोचना भएको छ।
प्रधानमन्त्री ओलीको नेतृत्वमा गठित २२ सदस्यीय मन्त्रिमण्डलमा २० जना पुरुष हुँदा महिला २ जना मात्र छन्। दलित शून्य छ । महिलामा कांग्रेसबाट आरजु राणा देउवाले परराष्ट्र र एमालेबाट विद्या भट्टराईले शिक्षा मन्त्रालयको नेतृत्व पाएकी छन्। आरजु सभापति देउवाकी श्रीमती हुन् । उनी समानुपातिक प्रणालीबाट सांसद भएकी हुन्। प्रधानमन्त्रीसहित दुई उपप्रधानमन्त्री र १९ मन्त्रीले सपथ लिँदा एकजना पनि दलित परेनन् ।
| क्र.सं. | नाम थर | पद | कार्यविभाजन |
| १ | श्री केपी शर्मा ओली | प्रधानमन्त्री | |
| २ | श्री प्रकाशमान सिंह | उपप्रधानमन्त्री | सहरी विकास |
| ३ | श्री विष्णुप्रसाद पौडेल | उपप्रधानमन्त्री | अर्थ |
| ४ | श्री पृथ्वी सुब्बा गुरुङ | मन्त्री | सञ्चार तथा सूचना प्रविधि |
| ५ | श्री रमेश लेखक | मन्त्री | गृह |
| ६ | श्री शरतसिंह भण्डारी | मन्त्री | श्रम, रोजगार तथा सामाजिक सुरक्षा |
| ७ | डा. आरजु राणा | मन्त्री | परराष्ट्र |
| ८ | श्री प्रदीप यादव | मन्त्री | खानेपानी |
| ९ | श्री बलराम अधिकारी | मन्त्री | भूमि व्यवस्था, सहकारी तथा गरिबी निवारण |
| १० | श्री दामोदर भण्डारी | मन्त्री | उद्योग, वाणिज्य तथा आपूर्ति |
| ११ | श्री नवलकिसोर साह सुडी | मन्त्री | महिला, बालबालिका तथा ज्येष्ठ नागरिक |
| १२ | श्री देवेन्द्र दाहाल | मन्त्री | भौतिक पूर्वाधार तथा यातायात |
| १३ | श्री तेजुलाल चौधरी | मन्त्री | युवा तथा खेलकुद |
| १४ | श्री प्रदीप पौडेल | मन्त्री | स्वास्थ्य तथा जनसङ्ख्या |
| १५ | श्री अजयकुमार चौरसिया | मन्त्री | कानून, न्याय तथा संसदीय मामिला |
| १६ | श्री बद्रीप्रसाद पाण्डे | मन्त्री | संस्कृति, पर्यटन तथा नागरिक उड्डूयन |
| १७ | श्री रामनाथ अधिकारी | मन्त्री | कृषि तथा पशुपन्छी विकास |
| १८ | श्री विद्या भट्टराई | मन्त्री | शिक्षा, विज्ञान तथा प्रविधि |
| १९ | श्री मानवीर राई | मन्त्री | रक्षा |
| २० | श्री दिपक खड्का | मन्त्री | ऊर्जा, जलस्रोत तथा सिँचाइ |
| २१ | श्री राजकुमार गुप्ता | मन्त्री | सङ्घीय मामिला तथा सामान्य प्रशासन |
| २२ | श्री ऐनबहादुर शाही ठकुरी | मन्त्री | वन तथा वातावरण |
