२८ मंसिर, सिन्धुपाल्चोक। नेपाल पत्रकार महासंघ, सिन्धुपाल्चोक शाखाको अध्यक्षमा ध्रुब दंगाल निर्वाचित भएका छन ।
नयाँ नेतृत्व चयनका लागि आज भएको निर्वाचनमा दिनेश थापालाई हराउँदै दंगाल अध्यक्ष निर्वाचित भएका हुन् । ९८ मत झरेकोमा दंगालले ५० र थापाले ४५ मत पाए ।
अध्यक्ष पदका लागि दिनेश थापा र ध्रुब दंगालबीच मात्र प्रतिस्पर्धा भएको हो । तीन उमेदवार रहेकोमा सिके चौलागाइले उम्मेदवारी निष्क्रिय गरेका थिए ।
सत्ता गठबन्धनको समर्थनमा ध्रुब दंगालले उम्मेदवारी दर्ता गरेका हुन् भने दिनेश थापा एमाले निकट प्रेस चौतारीको तर्फबाट विद्रोह गरेर चुनावी मैदानमा उत्रिएका हुन। कांग्रेस निकट प्रेस युनियनका तर्फबाट सिके चौलागाइले विद्रोह गरी उम्मेदवारी दिएकोमा आज बिहान निष्क्रिय गरे । यसअघि माओवादी निकट प्रेस सेन्टरबाट अध्यक्षमा उम्मेदवारी दिएका टीका दाहालले आफ्नो उम्मेदवारी फिर्ता लिएर दिनेश थापालाई समर्थन गरेका थिए ।
यस्तै यस्तै उपाध्यक्षमा दिपक अर्याल, महिला उपाध्यक्षमा कमला पाख्रीन निर्वाचित भएका छन् । सचिबमा टीका सुवेदी, उपसचिवमा देवराज सुवेदी र कोषाध्यक्षमा दीपक खत्री निर्वाचित भएका छन् ।
