२९ फागुन, काठमाडौं । गैरसरकारी संस्था महासंघ (एनजीओ फेडेरेसन नेपाल)को ११औं राष्ट्रिय महाधिवेशन, ३०औं वार्षिक साधारणसभा तथा राष्ट्रिय नागरिक सम्मेलन सम्पन्न भएको छ। ष्ट्रियसभा गृहमा सम्पन्न साधारणसभाले अर्जुन भट्टराईको अध्यक्षतामा १५ पदाधिकारीसहित ५१ सदस्यीय नयाँ कार्यसमिति सर्वसम्मत चयन गरेको हो ।
नवनिर्वाचित कार्यसमितिको वरिष्ठ उपाध्यक्षमा नानीमाया थापा, उपाध्यक्षद्वयमा राजेन्द्र शर्मा र सञ्जय लम्साल चयन भएका छन्। यस्तै महासचिवमा देवी खड्का, उपमहासचिवमा भवराज रेग्मी र किरण थापा तथा कोषाध्यक्षमा गोविन्द शाही चयन भएका छन्।
सातै प्रदेशबाट प्रतिनिधित्व
महासंघमा सातै प्रदेशबाट प्रतिनिधित्व रहनेगरी ७ जना सचिव चयन भएका छन्। कोशीबाट सरिता आङदेम्बे, मधेशबाट रामचन्द्र साह, बागमतीबाट बुद्धशरण लामा, गण्डकीबाट राजेन्द्रप्रसाद पौडेल, लुम्बिनीबाट नमस्कार शाह, कर्णालीबाट जजराज शाही र सुदूरपश्चिमबाट सावित्रा घिमिरे (बिक) सचिव बनेका छन्। प्रदेश इन्चार्ज र सह-इन्चार्जमा क्रमशः लखनलाल शाह (कोशी), सिर्जना पौडेल (कोशी सह-इन्चार्ज), यादव सरकार (मधेश), रुबि मिश्रा (मधेश सह-इन्चार्ज), पहलमान श्रेष्ठ (बागमती), पार्वती घिमिरे (बागमती सह-इन्चार्ज), गोपाल खड्का (गण्डकी), फुलमाया राना (गण्डकी सह-इन्चार्ज), रीमा बिसी (लुम्बिनी), ठाकुर घिमिरे (लुम्बिनी सह-इन्चार्ज), विष्णुदेवी रावल (कर्णाली), कल्पना रावल (कर्णाली सह-इन्चार्ज), प्रेमबहादुर महर (सुदूरपश्चिम), कौशिला चौधरी (सुदूरपश्चिम सह-इन्चार्ज) चयन भएका छन्।
केन्द्रीय सदस्य चयन
महासंघको केन्द्रीय सदस्यमा ध्रुवप्रसाद देव, धर्मलाल रोकाय, लक्ष्मीकुमारी सिंह, धिरा खत्री, विजयकुमार प्रधान, धीरेन्द्रबहादुर सिंह, शोभा खानाल, बालकृष्ण ओझा, रघुबहादुर कठायत, हिरासिंह थापा, सुमन परियार, शिवप्रसाद शर्मा, नागेन्द्र दुवे, गौरा नेपाली, गंगा तामाङ, थिरबहादुर थापामगर, ठाकुरप्रसाद लोहागुन, शिशिर खनाललगायत चयन भएका छन्।
३ जना सदस्य मनोनीत गर्न बाँकी
नवनिर्वाचित अध्यक्ष अर्जुन भट्टराईका अनुसार महासंघको केन्द्रीय समितिमा ३३ प्रतिशतभन्दा बढी महिला तथा विभिन्न वर्ग र समुदायको सहभागिता रहेको छ। महासंघमा ५ संस्था बराबर एक जना केन्द्रीय कार्यसमिति सदस्य रहने व्यवस्था छ। महासंघको अधिवेशनमा ६ हजार ७०० संस्थाबाट ९२२ प्रतिनिधिको सहभागिता रहेको थियो। महाधिवेशन तथा साधारण सभाको उद्घाटन प्रधानमन्त्री केपी शर्मा ओलीले गरेका थिए।
