रसुवा बाढीमा सिन्धुपाल्चोकका थुप्रै मानिस सम्पर्कविहीन: खोजी र उद्धारका लागि आफन्तको आग्रह

बाढीमा परेर सिन्धुपाल्चोकका दर्जौँ नागरिकहरू सम्पर्कविहीन भएका छन्। व्यापारिक सामान लिन नाकासम्म गाडी लिएर पुगेका चालकहरू, रसुवागढी तथा चिलिमे हाइड्रोपावरमा कार्यरत कर्मचारीहरू र गोसाइँकुण्ड दर्शनका लागि हिँडेका आन्तरिक पर्यटकहरूसँग सम्पर्क विच्छेद भएपछि परिवार र आफन्तजनमा चिन्ता छाएको छ।

१०, भदौ सिन्धुपाल्चोक, रसुवाको टिमुरे र भन्सार नाका क्षेत्रमा बुधबार बिहान तिब्बतबाट आएको भीषण लेदो बाढीका कारण अकल्पनिय क्षती भएको छ । बाढीमा परेर सिन्धुपाल्चोकका दर्जौँ नागरिकहरू सम्पर्कविहीन भएका छन्। व्यापारिक सामान लिन नाकासम्म गाडी लिएर पुगेका चालकहरू, रसुवागढी तथा चिलिमे हाइड्रोपावरमा कार्यरत कर्मचारीहरू र गोसाइँकुण्ड दर्शनका लागि हिँडेका आन्तरिक पर्यटकहरूसँग सम्पर्क विच्छेद भएपछि परिवार र आफन्तजनमा चिन्ता छाएको छ।

बाढीका कारण रसुवा हाइड्रोपावरमा कार्यरत सिन्धुपाल्चोकका अधिकांश व्यक्तिको अवस्था अज्ञात रहेको छ। प्रभावित क्षेत्र वा त्यस वरपर हुनुहुने जोकसैलाई आफ्ना मानिसको खोजतलास र जानकारी गराइदिन आफन्तहरूले सार्वजनिक रूपमा अपिल गरेका छन्।

सम्पर्कविहीन भएका केही व्यक्तिहरू र आफन्तको अपिल

• अच्युत भण्डारी (बलेफी–२, ढाँडेखोला, सिन्धुपाल्चोक): आफ्नो गाडी लिएर रसुवा भन्सार पुगेका अच्युत भण्डारी बाढीपछि परिवारको सम्पर्कमा आएका छैनन्। उनका परिवारले खोजीका लागि स्थानीय प्रशासन र सर्वसाधारणलाई सहयोगको याचना गरेका छन्।
• मनिष खड्का (सवारी चालक): सवारी चालक मनिष खड्काको अन्तिम मोबाइल लोकेसन रसुवा बोर्डर देखाएको छ। उनका साथीहरू र आफन्तले सामाजिक सञ्जालमार्फत रसुवा नाका वा आसपासको क्षेत्रमा हुनुहुने साथीहरूलाई खोजी, सोधपुछ र खबर गरिदिन आग्रह गरेका छन्।
• राजु श्रेष्ठ (बलेफी, सिन्धुपाल्चोक): टिमुरेको घट्टेखोला नजिक प्लम्ब ढलानको जिम्मेवारी लिएर त्यहीँ बस्दै आएका ठेकेदार/प्राविधिक राजु श्रेष्ठ घटनापछि सम्पर्कविहीन भएका छन्। घटना हुनुभन्दा करिब ७ घण्टा अगाडिसम्म सामाजिक सञ्जालमा सक्रिय रहेका श्रेष्ठको मोबाइल हाल ‘स्वीच अफ’ छ। आफन्तले सम्पर्क गर्न खोज्दा कुनै पत्तो नलागेकाले उद्धारका लागि अनुरोध गरिएको छ।
• दिपाल पराजुली (स्थानीय बासिन्दा, सिन्धुपाल्चोक): सिन्धुपाल्चोकका स्थानीय दिपाल पराजुलीका दुई जना दाजुहरू रसुवा घटना पश्चात् सम्पर्कविहीन भएको जानकारी दिँदै आफ्ना दाजुहरूलाई कसैले देखेमा वा कुनै जानकारी प्राप्त भएमा तत्काल सम्पर्क गरिदिन र यो खबरलाई सक्दो शेयर गरेर खोजीमा सहयोग गरिदिन हार्दिक अपिल गरेकी छन् ।

प्रतिक्रिया